[ حق الليله .. ~

الســـــــــــــــــــــــــــــلـآم عليكم ..

حــيا الله من لفـآنا .. ~


// : عطونا الله يعطيكم بيت مكه يوديكم
عطونا من حق الله ولا بنذبح عبدالله
عطونا من حق هالليله ولا بنذبح العجيله ..: //..


طبعا الكـل عارف انه بـآجر هو 15 من شعــبآن ..

وفـي الماضي كانوا الـأهالي يحتفلون بهذا اليوم .. بطرق مختلفه .. وطبعا هذا الـأحتفال يكون فرحه لـ قرب قدوم الشهر الفضيل رمضان .. وعسب يدخـلون الفرح بقلـوب الصغاريه ..

في البدايه تقوم الـأمهات بخياطه كيس ويعلق على رقبه اليهال ..

وقريب المغرب يطلعون اليهال وهو يردوون أهازيج وأغانــي مختصه لهذي الليله ..

ويمرون على بيوت الجـيرآن .. اللي بدورهم يحطون المكــسرآت فــي الـأكياس .. واليهال يردون عليهم : سلم ولدهم يا الله وتخليه لامه يا الله جـدام بيتكم وادي والخير كله ينـادي

وإذا صار وما عطوهم وسكــروا الباب بويهم .. .. فاليهال يرددون : جـدام بيتكم طاسـه ووجوهكم محتاسـه


] طبعا اختلفت مسميات هاليوم .. في دول الخــليج ..

مثلـآ :

القرنقعوه في قطر والبحرين

القرقيعان في الكويت والمملكه العربيه السعوديه (( المنطقه الشرقيه))

القرنقشوه في سلطنة عمان





أتمنــى بتقريري البسيط انــي فدتكم ببعض المعلومات ..بقلم " دلعـ الكتبيـ "